Türkiyə və İran liderlərinin sabah müzakirə edəcəkləri məsələlər açıqlanıb

Türkiyə Prezidenti Rəcəb Tayyib Ərdoğanla iranlı həmkarı İbrahim Rəisinin yanvarın 24-də Ankarada müzakirə edəcəkləri məsələlər açıqlanıb.

“Report” xəbər verir ki, bu barədə diplomatik mənbələr məlumat yayıb.

Bildirilib ki, liderlər Qəzzada atəşkəsə nail olmaq və girovların azad edilməsi üçün atılacaq addımları müzakirə edəcəklər.

“Qəzzadakı vəziyyət, bununla bağlı atılacaq addımlar danışıqların əsas gündəmi olacaq. Regiona humanitar yardım göstərilməsi üçün səylər də müzakirə ediləcək”, - məlumatda bildirilib.

Qeyd edək ki, İran Prezidentinin Türkiyəyə yanvarın 4-də planlaşdırılan səfəri İranın Kirman şəhərindəki terror aktı ilə əlaqədar təxirə salınmışdı.