Rada Sibiqanın XİN başçısı vəzifəsinə namizədliyini təsdiqləyib - YENİLƏNİB

Ukrayna Ali Radası Andrey Sibiqanın xarici işlər naziri vəzifəsinə yenidən namizədliyini təsdiqləyib.

“Report” xəbər verir ki, bu barədə Ukrayna KİV-i məlumat yayıb.

A.Sibiqanın təyinatını 271 deputat dəstəkləyib.

O, 2024-cü il sentyabrın 5-dən xarici işlər naziri postunu tutub.

12:09

Andrey Sibiqa Ukraynanın yeni hökumətinin tərkibində xarici işlər naziri vəzifəsini qoruyub saxlayacaq.

“Report” Ukrayna KİV-inə istinadən xəbər verir ki, ölkə Prezidenti Volodimir Zelenski onun namizədliyini Ali Radanın müzakirəsinə təqdim edib.

Dünən V.Zelenski Ukraynanın müdafiə naziri postuna əvvəllər Nazirlər Kabinetinə rəhbərlik etmiş Denis Şmıqalın namizədliyini irəli sürüb.