Rusiya MN: Ordunun şəxsi heyətinin sayı artırılır, səfərbərlik planlaşdırılmır

Rusiya Silahlı Qüvvələrində hərbi qulluqçuların sayının artırılması müqavilə ilə xidmət keçmək istəyən vətəndaşların hesabına mərhələli şəkildə həyata keçirilir.

“Report”un Rusiya bürosunun məlumatına görə, bu barədə Rusiya Müdafiə Nazirliyi məlumat yayıb.

“Rusiya Prezidentinin 29 noyabr 2023-cü il tarixli Fərmanına uyğun olaraq, Silahlı Qüvvələrin maksimum gücü 170 min hərbçi artırılaraq 1 milyon 320 min hərbi qulluqçuya çatdırılıb”, - məlumatda deyilir.

Həmçinin qeyd olunub ki, səfərbərlik planlaşdırılmır.

“Məcburi hərbi xidmətə çağırışın əhəmiyyətli dərəcədə artırılması nəzərdə tutulmur”, - Müdafiə Nazirliyi bildirib.