“Qazprom Armeniya” 1500-dək əməkdaşını ixtisar edəcək

Bakı. 13 fevral. REPORT.AZ/ “Qazprom Armeniya” şirkəti yaxın zamanlarda 1200-1500 əməkdaşını ixtisar edəcək.

“Report” xəbər verir ki, bunu “Jamanak” KİV-i yazıb.

Məqalədə qeyd olunub ki, şirkətlərdən əməkdaşlarını qeydiyyata almaq və vergi ödəmək tələb edildiyindən onlar da çıxış yolu olaraq, işçiləri ixtisara salmaqda görürlər.

Qeyd edək ki, bir müddət əvvəl Ruisyanın Ermənistandakı törəmə “Qazprom Armeniya” şirkətinin zərərlə işlədiyi barədə məlumat yayılmışdı. Rusiyanın “Qazprom” dövlət şirkəti Ermənistana sərmayə qoyuluşunu azaltmağı planlaşdırır.