Qazaxıstan benzin ehtiyatı yaratmaqla bağlı yayılan xəbərlərə münasibət bildirib

Qazaxıstana Rusiyadan 100 min ton benzin ehtiyatı yaratmaqla bağlı müraciət daxil olmayıb.

“Report” xəbər verir ki, bu barədə Qazaxıstanın energetika nazirinin müşaviri Şinqis İlyasov bildirib.

Onun sözlərinə görə, bu məlumat özündə həqiqəti əks etdirmir: “Bu günə qədər Rusiya Energetika Nazirliyindən belə bir müraciət daxil olmayıb”.

Bundan əvvəl “Reuters” mənbələrə istinadən xəbər verir ki, Rusiya Qazaxıstandan 100 min ton benzin ehtiyatı yaratmağı xahiş edib. Mənbələrdən birinə görə, Rusiya benzin ehtiyatlarının istifadəsi ilə bağlı sövdələşmə razılaşdırılıb.