Putin sanksiyaların Rusiyada qiymət artımına təsir göstərməsindən narahatdır

Sanksiyalar Rusiyada qiymət artımına təsir göstərir, lakin bu sahədə özümüzdə natamamlıqlar mövcuddur.

“Report” Rusiya KİV-lərinə istinadən xəbər verir ki, bunu Rusiya Prezidenti Vladimir Putin ilin yekunlarına həsr olunmuş konfransda bildirib.

Onun sözlərinə görə, ölkədə inflyasiya vəziyyəti həyəcan doğurur.

Qeyd edək ki, bu günlərdə Avropa İttifaqı Şurası Rusiyaya qarşı 15-ci sanksiya paketini qəbul edib. Böyük Britaniya da Rusiya üçün öz sanksiya siyahısını genişləndirib, ona 20 gəmi və iki şirkət əlavə edib.