İzmirdə silahlı insident zamanı 15 yaşlı yeniyetmə ölüb, 2 azyaşlı həbs olunub

Türkiyənin İzmir şəhərinin Karabağlar rayonunda iki qrup arasında silahlı insident baş verib.

"Report" "Haber Global"a istinadən xəbər verir ki, hadisə zamanı yaralanan 15 yaşlı Ayaz Çumru xəstəxanada həyatını itirib.

Hadisə ilə əlaqədar saxlanılan 13 şübhəlidən 2-si azyaşlı olmaqla, ümumilikdə 5 nəfər məhkəməyə çıxarıldıqdan sonra həbs edilib.

Bir nəfər prokurorluqda verdiyi ifadədən sonra sərbəst buraxılıb. Digər şübhəlilər isə məhkəmənin qərarı ilə barələrində polis nəzarəti tədbiri seçilməklə azadlığa buraxılıblar.

Mübahisənin qız məsələsi üstündə düşdüyü bildirilir.