İrakli Kobaxidze ABŞ səfirinin Gürcüstanı tənqid etməsini “ikili standartlar” adlandırıb

Gürcüstanın Baş naziri İrakli Kobaxidze ABŞ-nin ölkəsindəki səfirinin Çinlə iqtisadi əlaqələrin dərinləşməsi ilə bağlı Tbilisini tənqid etməsini “ikili standartlar” adlandırıb.

"Report"un yerli bürosu xəbər verir ki, bu barədə Baş nazir jurnalistlərə açıqlamasında deyib.

“Hər kəs bilir ki, Çin Aİ və ABŞ-nin əsas ticarət tərəfdaşlarından biridir. Dövlətimizin bu addımları ölkəmizin milli maraqlarına xidmət edir və təbii ki, biz bundan sonra da müvafiq istiqamətdə fəaliyyət göstərəcəyik”, - İ.Kobaxidze bildirib.