Gürcüstanda daha 419 nəfər koronavirusa yoluxub, 6 nəfər ölüb

Gürcüstanda ötən sutkada koronavirusa 419 yeni yoluxma faktı təsdiqlənib, 307 nəfər sağalaraq evə buraxılıb, 6 pasiyent vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Hazırkı dövrədək qonşu ölkədə COVID-19-a yoluxanların sayı 279 446, sağalanların sayı 271 585, ölənlərin sayı isə 3 738 təşkil edir.

Karantin rejimində 271, stasionar nəzarətdə 1 563 nəfər saxlanılır. Son 24 saat ərzində yeni yoluxma hallarının aşkarlanması üçün 29 341 test aparılıb.