Gürcüstan “Keşikçidağ” ərazisinə əlavə sərhəd polisi cəlb edə bilər

“Əgər “Keşikçidağ” ərazisinə əlavə sərhəd polisi qüvvələri səfərbər etmək ehtiyacı yaranarsa, bu barədə müvafiq qərar qəbul olunacaq”.

“Report”un yerli bürosu xəbər verir ki, bu barədə Gürcüstanın daxili işlər nazirinin müavini Nino Tsatsiaşvili jurnalistlərə açıqlamasında bildirib.

Onun sözlərinə görə, hazırda “Keşikçidağ”la bağlı hər hansı bir təxribat gözlənilmir: “Daxili İşlər Nazirliyi hər bir vətəndaşın təhlükəsizliyini təmin etmək üçün mümkün olan hər şeyi edəcək”.