“Exit-poll”: Putin Rusiyada prezident seçkilərində 87 % səs alacaq

Namizədliyi özü tərəfindən irəli sürülən Rusiya Federasiyasının hazırkı Prezidenti Vladimir Putin prezident seçkilərində birinci yeri tutacaq, o, səslərin 87 faizini qazanacaq.

“Report” TASS-a istinadən xəbər verir ki, bunu Ümumrusiya İctimai Rəyin Öyrənilməsi Mərkəzinin keçirdiyi “exit-poll”un nəticələri göstərir.

Sorğuya görə, ikinci yeri Rusiya Federasiyası Kommunist Partiyasından namizəd Nikolay Xaritonov (4,6%), üçüncü yeri “Yeni insanlar”dan olan Vladislav Davankov (4,2%), dördüncü yeri isə RLDP-nin lideri Leonid Slutski (3%) tutacaq. Bülletenlərin daha 1,2 faizi etibarsız sayılacaq.

Sorğu martın 15-17-də seçki məntəqələrində aparılıb.