Ermənistanda tələbələr etiraz aksiyasını dayandırıblar

Bakı. 15 noyabr. REPORT.AZ/ Ermənistan parlamentindəki görüşdən sonra tələbələr aclıq aksiyası və tətili dayandıraraq tədris prosesinə qayıdıblar.

“Report” Ermənistan KİV-inə istinadən xəbər verir ki, bunu “Elm naminə inkişaf” təşəbbüs hərəkatının koordinatoru, aclıq aksiyası keçirən tələbələrdən biri olan David Petrosyan bildirib.

Onun sözlərinə görə, noyabrın 22-də “Hərbi xidmət və hərbçilərin statusu haqqında” qanun layihəsinin mübahisəli bəndlərini müzakirə etmək üçün tələbələr, deputatlar, müxalifət və ictimaiyyətin iştirakı ilə dəyirmi masa keçiriləcək.