Ermənistanda arxiyepiskop Mikael Acapaxyan İstintaq Komitəsinə gəlib və saxlanılıb

Ermənistanda Apostol Kilsəsinin Şirak yeparxiyasının rəhbəri, arxiyepiskop Mikael Acapaxyan İstintaq Komitəsinin İrəvandakı binasına gəlib və onun artıq saxlanılması barədə qərar qəbul edilib.

"Report"un xəbərinə görə, yerli xəbər portalları hadisə yerindən görüntüləri yayımlayıblar.

Arxiyepiskop ora Eçmiədzinin taxtından gəlib, təhlükəsizlik qüvvələrinin əməkdaşları onu konstitusiya quruluşunun devrilməsinə açıq çağırış ittihamı ilə səhər saatlarında saxlamağa çalışıb.

Ermənistan Milli Təhlükəsizlik Xidmətinin xüsusi təyinatlıları dərhal arxiyepiskopu İstintaq Komitəsinin binasına aparıblar. Binanın yaxınlığındakı bütün küçə və ona bitişik həyətlər polis tərəfindən mühasirəyə alınıb.