Türkiyədə siqaret aludəçilərinin sayı kəskin azaldı

“Siqaretə qarşı qüvvəyə minən qanunlar və tətbiq edilən cərimələr nəticəsində siqaret çəkənlərin sayı 30 milyondan 20 milyona enib”.

“Report” “Sputnik Türkiye”yə istinadən xəbər verir ki, bunu “Türkiyə Siqaretlə Mübarizə” dərnəyinin sədri doktor Mustafa Aydın söyləyib.

“Gündən-günə daha çox insan siqareti tərgitməyə çalışır. Təəssüf ki, bəzi müəssisələr, xüsusilə kafelər, restoranlar və əyləncə mərkəzləri hələ də müəyyən saatdan sonra qapalı məkanlarda siqaret çəkməyə icazə verirlər. Yəni qanun pozulur. Bunun üçün tədbirləri çoxaldaraq xalqın həssaslığını artırmaq lazımdır”.