“Finoko” BOKT-un nizamnamə kapitalı artırılacaq

Dekabrın 29-da "Finoko” ASC bank olmayan kredit təşkilatının (BOKT) səhmdarlarının növbədənkənar ümumi yığıncağı keçiriləcək.

“Report” xəbər verir ki, yığıncaq Bakı şəhəri, Yasamal rayonu, İsmayılbəy Qutqaşınlı küçəsi, 36 ünvanında olacaq.

Yığıncağın gündəliyinə kredit təşkilatının yeni səhmlərinin emissiyası ilə onun nizamnamə kapitalının artırılması məsələsi daxildir.

Xatırladaq ki, “Finoko” 2014-cü ildə yaradılıb. Bu il noyabrın 1-nə onun nizamnamə kapitalı 5,355 milyon manat, məcmu kapitalı isə 8,804 milyon manat olub. BOKT-un səhmdarları hər biri 50% payla Elçin Əliyev (Müşahidə Şurasının sədri) və Elmar Əliyevdir (Müşahidə Şurasının üzvü).