DGK-nın Akademiyasının məzunları komitədə işlə təmin olunublar

Bakı. 14 noyabr. REPORT.AZ/ Dövlət Gömrük Komitəsinin (DGK) Akademiyasının 3 xanım məzunu Komitədə işlə təmin olunub. 

Akademiyadan “Report”a verilən məlumata görə, onlar 2017-2018-ci tədris ili üzrə təhsillərini başa vurublar. 

Ümumilikdə, son tədris ilində bu ali təhsil müəssisəsindən 37 tələbə, o cümlədən 4 nəfər xanım məzun olub. Məzunlardan 13-ü Azərbaycanın, 3-ü Türkiyə və Macarıstanın universitetlərində təhsillərini davam etdirirlər, 9 nəfər hərbi xidmətdədir.

3 xanım məzun isə DGK sədri Səfər Mehdiyevin əmri ilə müsabiqədən kənar işə qəbul ediliblər.

Hazırda Akademiyanın 8 məzunu Komitədə çalışır.