"Azərkosmos" daha bir sığortaçı seçir

Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") dəyəri 80 milyon ABŞ dolları olan "Azerspace-1" peykinin 1 illik sığortalanması ilə bağlı açıq tender elan edib.

“Report” xəbər verir ki, tenderdə iştirak haqqı 450 manatdır.

İddiaçılar ilkin sənədləri yanvarın 12-si, saat 15:00-a qədər, tender təklifi və onun dəyərinin 1%-i qədər bank təminatını isə yanvarın 23-ü, saat 15:00-a qədər Agentliyin yerləşdiyi Bakı şəhəri, Səbail rayonu, Üzeyir Hacıbəyli küçəsi, 72 ünvanına təqdim edə bilərlər.

Təkliflərə yanvarın 24-də, saat 15:00-a qədər qeyd olunan ünvanda baxılacaq. Qalib şirkət sığorta xidmətini gələn il fevralın 1-dən başlayaraq 1 il müddətində göstərməlidir.