Azərbaycanın dövlət büdcəsində 9 ayda 4 milyard manat profisit yaranıb

Bu ilin yanvar-sentyabr aylarında Azərbaycanın xəzinədarlıq orqanları 984 mindən çox ödəniş tapşırığı icra edib.

"Report" bu barədə Maliyyə Nazirliyinə istinadən xəbər verir.

Məlumata görə, bu, ötən ilin eyni dövrü ilə müqayisədə 12,45 % azdır.

Məlumata görə, 9 ayda icmal büdcənin gəlirləri 36 milyard 730,8 milyon manat (1 il əvvələ nisbətən 2,4 % çox), xərcləri 30 milyard 89,9 milyon manat (+3,7 %) təşkil edib.

Dövlət büdcəsinin gəlirləri 29 milyard 312,1 milyon manat (+0,6 %), xərcləri 25 milyard 348,2 milyon manat (+2,8 %) təşkil edib.

Son nəticədə icmal büdcədə 6 milyard 640,9 milyon manat (-2,9 %), dövlət büdcəsində isə 3 milyard 963,9 milyon manat (-11,4 %) profisit olub.