Azərbaycanda dövlət xətti ilə ipoteka kreditləşməsi 2 dəfədən çox artıb

Bu ilin yanvar-fevral aylarında İpoteka və Kredit Zəmanət Fondunun (İKZF) xətti ilə 57,7 milyon manat ipoteka krediti verilib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 2,2 dəfə çoxdur.

Hesabat dövründə Fondun yenidən maliyyələşdirdiyi kreditlərin məbləği isə illik müqayisədə təxminən 3,6 dəfə artaraq 40,2 milyon manata çatıb.

Ötən 2 ayda İKZF 1 il əvvəl olduğu kimi istiqraz buraxmaq yolu ilə vəsait cəlb etməyib, Fonda dövlət büdcəsindən ayrılmış vəsait isə dəyişməyərək 17,8 milyon manat olub.