Azərbaycanda avtomobillərin icbari sığortası üzrə ödənişlər 27% artıb

Bakı. 5 yanvar. REPORT.AZ/ İcbari Sığorta Bürosunun (İSB) iştirakçı sığorta şirkətləri ötən il “Avtonəqliyyat vasitəsi sahiblərinin mülki məsuliyyətinin icbari sığortası” (AVSMMİS) üzrə 24 197 tələb əsasında 28 865 620 manat ödəniş edib. 

Bu barədə "Report"a İSB-dən bildirilib. 

Məlumata görə, bu, 2015-ci illə müqayisədə 27% çoxdur. Sığorta ödənişlərinin 26 529 275 manatı nəqliyyat vasitəsinə dəyən zərər, 530 595 manatı əmlaka dəyən zərər, 775 750 manatı sağlamlığa dəyən zərər, 1 030 000 manatı şəxsin ölümü ilə əlaqədar verilib. 

Ötən ildə nəqliyyat vastəsinə dəyən zərər üzrə orta sığorta ödənişi 1 158 manat təşkil edib.