ADB Azərbaycan üzrə iqtisadi proqnozu yeniləyib

Asiya İnkişaf Bankı (ADB) bu il Azərbaycanda Ümumi Daxili Məhsulun (ÜDM) 4,3% (əvvəlki proqnozdan 0,1% bəndi çox) azalacağını proqnozlaşdırır.

“Report” bankın “Asian Development Outlook” hesabatına istinadən xəbər verir ki, gələn il isə ölkədə iqtisadi artımın 1,2% həddində olması gözlənilir.

Hesabata əsasən, digər region ölkələrində Gürcüstanda 5%, Qazaxıstanda 3,2%, Qırğızıstanda 10% səviyyəsində azalma, Türkmənistanda 3,2%, Özbəkistanda isə 0,5% artım proqnozlaşdırılır.

Xatırladaq ki, İqtisadiyyat Nazirliyi tərəfindın hazırlanmış 3 ssenari üzrə (neftin qiyməti 35, 40, 45 ABŞ dolları) proqnozlara əsasən 2020-ci ilin sonunda ÜDM-in azalması müvafiq olaraq 4,3%, 3,7% və 2,9% səviyyəsində gözlənilir.