"Lənkəran"ın baş məşqçisi: "Təəssüf ki, heyətimiz geniş deyil"

Təəssüf ki, heyətimiz geniş deyil.

"Report"un məlumatına görə, bunu "Lənkəran"ın baş məşqçisi Georgi Kondruseviç "Gəncə"yə qarşı Azərbaycan Basketbol Liqasının VI turunun oyunundan sonra klubun mətbuat xidmətinə açıqlamasında deyib.

Gürcüstanlı mütəxəssis məğlubiyyətə görə məyus olduqlarını bildirib:

“Rəqib çox güclü idi. Çox çalışdıq, amma heyətdə olan itkilər matçboyu intensiv şəkildə mübarizə aparmağımıza imkan vermədi. Rəqibin heyətində çox oyunçular var. Təəssüf ki, bizim heyət geniş deyil. Bir neçə mövqedə boşluqlar mövcuddur".

Qeyd edək ki, "Gəncə" - "Lənkəran" qarşılaşması meydan sahiblərinin 94:66 hesablı qələbəsi ilə yekunlaşıb.