Bakının bir neçə küçə və prospekti boyunca su verilişində məhdudiyyətlər olacaq

Bakı. 9 fevral. REPORT.AZ/ Bu gün ərzində Bakı şəhərinin Süleyman Vəzirov, Fəzail Bayramov, Afiyəddin Cəlilov, Mehdi Mehdizadə, Nəcəfqulu Rəfiyev, Natiq Əliyev, Əllədin Quliyev küçələrinə, Xocalı, Nobel və Babək prospektləri boyu bəzi ərazilərə içməli suyun verilməsində məhdudiyyətlər olacaq.

“Report”a “Azərsu” ASC-dən verilən məlumata görə, məhdudiyyətlər Babək prospektində yol infrastrukturunun yenidən qurulması layihəsi çərçivəsində ərazidən keçən su xətlərinin köçürülməsi ilə əlaqədardır.

Yaranmış narahatlıqla əlaqədar “Azərsu” abunəçilərdən üzr istəyir.