Bakının 6 qəsəbəsinin su-kanalizasiya sistemləri yenidən qurulacaq

“Azərsu” ASC Bakının Şağan, Şüvəlan, Buzovna, Maştağa, Novxanı və Saray qəsəbələrinin bir hissəsinin su təchizatı və kanalizasiya sistemlərinin yenidən qurulması işləri üçün 3 açıq tender elan edib.

“Report” xəbər verir ki, tenderlərdə iştirak haqqı 500 manatdır.

İddiaçılar ilkin sənədləri aprelin 25-i, saat 16:00-a qədər, tender təklifi və onun dəyərinin 1%-i qədər bank təminatını isə mayın 6-sı, saat 16:00-a qədər səhmdar cəmiyyətinin Bakı şəhəri, Yasamal rayonu, Moskva prospekti, 67 ünvanında yerləşən baş ofisinə təqdim edə bilərlər.

Təkliflərə mayın 10-da, saat 16:00-da qeyd olunan ünvanda baxılacaq.