Abşeron rayonunda qanunsuz qaz sayğacları aşkarlanıb

Abşeron rayonu, Məhəmmədi qəsəbəsi, Mehdi Hüseynzadə küçəsində vətəndaşlar tərəfindən heç bir dövlət qurumu tərəfindən qeydiyyatı alınmayan, qanunsuz şəkildə quraşdırılmış qaz sayğacları aşkarlanıb.

Bu barədə “Azəriqaz” İS-in Sumqayıt QİS-dən “Report”un yerli bürosuna məlumat verilib.

Azəriqaz İstahsalat Birliyinin Sumqayıt Qaz İstismar Sahəsi tərəfindən əraziyə baxış keçirilib və müəyyən olunub ki, qeyd olunan sayğaclar heç bir rəsmi sənədlə təsdiqlənməyib və qanunsuz şəkildə istifadə olunub.

Aparılmış araşdırma nəticəsində həmin qaz sayğacları demontaj edilərək çıxarılıb və aidiyyəti üzrə anbarda mühafizəyə təhvil verilib.