“Emmi” mükafatının sahibi çəkiliş zamanı eyvandan yıxılaraq ölüb

Bakı. 12 oktyabr. REPORT.AZ/ Nüfuzlu “Emmi” mükafatının sahibi olan Ceyms Emsviller “Dostumsan” filminin çəkilişləri zamanı ölüb.

“Report” ABŞ KİV-inə istinadən xəbər verir ki, Pitsburq şəhərindəki çəkilişlər zamanı siqaret çəkmək üçün eyvana çıxan 61 yaşlı işıqçı oradan aşağı yıxılıb. C.Emsviller dərhal xəstəxanaya çatdırılıb, lakin həkimlərin səylərinə baxmayaraq, onun həyatını xilas etmək mümkün olmayıb.

Qeyd edək ki, C.Emsviller 2015-ci ildə “Bessi” filmindəki çalışmalarına görə “Emmi” mükafatına layiq görülmüşdü.