Xanlar Vəliyev: "Ötən il hərbi xidmətdən yayınma cinayətləri 14,1 faiz azalıb"

"2018-ci illə müqayisədə 2019-cu ildə qeydə alınan özünü öldürmə həddinə çatdırma cinayətləri 22,2%, qəsdən sağlamlığa ağır zərər vurma cinayətləri 91,7%, xuliqanlıq cinayətləri 14,3% azalıb".

“Report”un xəbərinə görə, bunu Hərbi prokuror Xanlar Vəliyev kollegiya iclasında deyib.

O bildirib ki, hakimiyyətdən sui-istifadə etmə cinayətləri 15,5%, qulluğa səhlənkar yanaşma cinayətləri 41,2%, maşınları idarəetmə və istismar qaydalarını pozma cinayətləri 50,0%, hərbi xidmətdən yayınma cinayətləri 14,1%, öz sağlamlığına zərər vurmaqla və ya sair üsulla hərbi xidmətdən boyun qaçırma cinayətləri 30,2%, fərarilik cinayətləri isə 28,6% azalıb.