Oğuzda qonşusunu güllələyən şəxsin məhkəməsi başlayır

Oğuz rayonunda qonşusunu güllələyərək öldürməkdə təqsirləndirilən Zərqəm Məsimovun cinayət işi üzrə ibtidai istintaq başa çatıb.

“Report” xəbər verir ki, cinayət işi baxılması üçün Şəki Ağır Cinayətlər Məhkəməsinə göndərilib.

Hakim Bilal Məmmədovun icraatında olan iş üzrə hazırlıq iclası yaxın günlərdə keçiriləcək. 

Qeyd edək ki, hadisə bu ilin fevral ayında Oğuzun Kərimli kəndində qeydə alınıb. Kənd sakini Məsimov Zərqəm Məmməd oğlu qonşusu, 1965-ci il təvəllüdlü Elşən Füruddin oğlu Abdullayevi “Tula” markalı ov tüfəngi ilə güllələyib. 
Ona Cinayət Məcəlləsinin 120.1-ci (qəsdən adamöldürmə) maddəsi ilə ittiham verilib.