Eldar Səmədov: Ermənistan məzar yerləri barədə məlumatları gizlədir

Ermənistan tərəfi məzar yerləri barədə məlumatları gizlədir.

Bunu “Report”un Xocalıya ezam olunmuş əməkdaşına Əsir və itkin düşmüş vətəndaşlarla əlaqədar Dövlət Komissiyası işçi qrupu rəhbərinin müavini Eldar Səmədov deyib.

Onun sözlərinə görə, uzun illər ərzində aparılan araşdırmalar nəticəsində Dövlət Komissiyasında kütləvi məzarlıqlarla bağlı məlumatlar var: “Onların bir çoxunda artıq qazıntı işləri aparılır. Ancaq proses çox çəkəcək. Bizə mane olan yeganə məqam ondan ibarətdir ki, Ermənistan tərəfi məzar yerləri barədə məlumatları gizlədir”.