DİN Bakıda ana və qızının güllələnməsi barədə məlumat yayıb

Bakı. 1 iyun. REPORT.AZ/ Daxili İşlər Nazirliyi Bakıda ana və qızının güllələnməsi barədə məlumat yayıb. 

Nazirliyin mətbuat xidmətindən "Report"a bildirilib ki, mayın 31-də Sabunçu rayonunun Balaxanı qəsəbəsində qəsəbə sakini Elçin Qədimov münaqişə zəminində tüfəngdən açdığı atəşlə tanışı Aytən Cəfərovaya və onun anası Esmira Cəfərovaya xəsarət yetirib və hadisə yerini tərk edib. 

Xəstəxanaya yerləşdirilmiş Aytən orada ölüb, anasının vəziyyəti ağırdır.

Polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri nəticəsində E.Qədimov saxlanılın. Onun evindən müvafiq sənədləri olmayan “İJ-16” markalı ov tüfəngi götürülüb. 

Araşdırma aparılır.