Vinisius "Real"dan ayrıla bilər

İspaniya təmsilçisi "Real"ın (Madrid) vingeri Vinisius Junior komandanı tərk edə bilər.

"Report" xarici KİV-ə istinadən xəbər verir ki, "Kral klubu" 24 yaşlı futbolçunu heyətdə saxlamaq istəsə də, onun tələb etdiyi maaşı ödəməyi düşünmür.

Braziliyalı oyunçu rəhbərlikdən illik 25 milyon avro istəyib. Lakin qarşı tərəf bu məbləği vermək istəmir.

Qeyd edək ki, Vinisiusun xidmətində Səudiyyə Ərəbistanı klubları maraqlıdır.