"Qarabağ" 2017/18 mövsümünə qələbə ilə başlayıb

Bakı. 11 avqust. REPORT.AZ/ Azərbaycan çempionu "Qarabağ" 2017/18 mövsümünə qələbə ilə başlayıb.

“Report”un məlumatına görə, Premyer Liqanın ilk turunun açılış oyununda “Neftçi”nin qonağı olan Ağdam təmsilçisi rəqibini 3:1 hesabı ilə üstələyib.

Qeyd edək ki, ilk turun oyunları 3 günü əhatə edəcək. “İnter” – “Qəbələ” matçı avqustun 12-ə təyin edilib. “Sumqayıt” – “Kəpəz” və “Zirə” – “Səbail” qarşılaşmaları isə bazar günü keçiriləcək.

Azərbaycan Premyer Liqası:

I tur

11 avqust (cümə)

“Neftçi” – “Qarabağ” 1:3

Qollar: Rahid Əmirquliyev, 90 (öz qapısına) - Mahir Mədətov, 15; 40. Dino Ndlovu, 62

“Bakcell Arena”