"Makkabi"nin kapitanı: "Zirə"nin təhlükəli oyunçuları var"

"Bu oyun bizim üçün çox vacibdir və diqqətimizi bir nöqtəyə cəmləməliyik".

"Report"un məlumatına görə, bunu İsrailin "Makkabi" (Təl-Əviv) komandasının kapitanı Şeran Yeyni evdə "Zirə"yə qarşı keçirəcəkləri UEFA Konfrans Liqasının II təsnifat mərhələsinin cavab oyunundan öncə mətbuat konfransında deyib.

36 yaşlı müdafiəçi bildirib ki, Azərbaycan təmsilçisinin heyətində təhlükəli oyunçular var: "Biz ilk oyunu təhlil etmişik və səhvlərimizi düzəldəcəyik. Bu, həm fiziki, həm də taktiki baxımdan inkişaf etməyimiz üçün önəmli qarşılaşmadır".

Qeyd edək ki, iyulun 28-də Təl-Əvivdəki "Blumfild" stadionunda oynanılacaq qarşılaşma Bakı vaxtı ilə saat 21:30-da başlayacaq.