“Kəpəz” 150-ci səfər məğlubiyyətini alıb

“Kəpəz” Azərbaycan çempionatlarında 150-ci səfər məğlubiyyətini alıb.

"Report" Peşəkar Futbol Liqasının mətbuat xidmətinə istinadən xəbər verir ki, bu, Misli Premyer Liqasının XX turuna təsadüf edib.

Gəncə klubu “Səbail”ə 0:1 hesabı ilə uduzub.

Bölgə təmsilçisi ölkə çempionatları tarixində ən çox səfər məğlubiyyəti alan komandadır. “Kəpəz”in rəqib meydanından xalsız döndüyü ilk qarşılaşma 1992-ci il iyunun 27-də “Turan”la matça təsadüf edib – 0:1.