İtaliyada daha bir futbolçu koronavirusa yoluxdu

İtaliyanın B Seriyasında çıxış edən "Venesiya" komandasının futbolçusu Antonio Junior Vakkada koronavirus infeksiyasının simptomları aşkarlanıb.

"Report" klubun rəsmi saytına istinadən xəbər verir ki, hazırda karantində olan 30 yaşlı yarımmüdafiəçi özünü yaxşı hiss edir.

Bildirilib ki, son vaxtlar A.J.Vakka ilə təmasda olan digər oyunçular və klub əməkdaşları da koronavirus testindən keçiriləcəklər.

Qeyd edək ki, buna qədər İtaliyada futbolçular arasında koronavirusa 19 yoluxma halı aşkarlanıb.