FİFA reytinqi yeni sistemlə hesablanacaq

Bakı. 1 dekabr. REPORT.AZ/ "FİFA-nın reytinq siyahısı o qədər də obyektiv deyil".

"Report"un məlumatına görə, bunu ali futbol qurumunun prezidenti Canni İnfantino deyib. O, hazırda yeni sistem üzərində işlədiklərini bildirib: "Yeni reytinq siyahısı piramida təsiri bağışlayacaq. Müxtəlif ölkələrin, müxtəlif qitələrin komandalarını müqayisə etmək çətindir. Onlar bir-biriləri ilə, demək olar ki, oynamırlar. Ziddiyyət ortaya çıxır. Bu, aydın məsələdir. Biz də bu məsələ üzərində işləyirik".

Qeyd edək ki, hazırda Azərbaycan millisi FİFA reytinqində 281 xalla 117-ci pillədə qərarlaşıb. Yığma Qazaxıstanla Filippin arasındadır.