Daniel Ruqani: "Bu virus heç bir fərq qoymur"

"Yəqin ki, xəbərləri oxumusunuz. Buna görə mənimlə maraqlanan hər kəsi əmin edirəm ki, yaxşıyam"

"Report"un məlumatına görə, bu fikirləri İtaliyanın "Yuventus" klubunun koronavirusa yoluxan futbolçusu Daniel Ruqani şəxsi "Instagram" səhifəsində yazıb.

25 yaşlı müdafiəçi xəstəxanalardakı bütün həkimlərə və tibb bacılarına təşəkkürünü bildirib: "Hamını qaydalara hörmətlə yanaşmağa çağırıram. Çünki bu virus heç bir fərq qoymur. Bunu özümüz, yaxınlarımız və ətrafımız üçün edək".

Qeyd edək ki, Daniel Ruqani 2013-cü ildən "Yuventus"da çıxış edir. O, Turin təmsilçisi ilə 4 dəfə A Seriyasının, 3 dəfə ölkə kubokunun, iki dəfə isə İtaliya Super Kubokunun qalibi olub.