Azərbaycan Premyer Liqasında 4 bombardir

Azərbaycan Premyer Liqasında 2019/2020 mövsümünün bombardiri adına 4 futbolçu yiyələnib.

"Report" PFL-in saytına istinadən xəbər verir ki, hərəyə 7 qol vuran Stiven Monroz, Baqali Dabo (hər ikisi “Neftçi”), Peyman Babayi (“Sumqayıt”) və Mahir Emreli (“Qarabağ”) Peşəkar Futbol Liqası tərəfindən xüsusi mükafata layiq görüləcək.

Cari mövsümün əsasnaməsinə görə, yekunda birdən çox futbolçu eyni sayda qol vurduğu halda bütün oyunçular bombardir hesab olunur.

Qeyd edək ki, I Divizionun bombardiri Musa Qurbanlı (“Qarabağ-2”) 15 dəfə rəqib qapısına yol tapıb.