Ayxan Hüseynov: "Zirə"də ən yaxşı keyfiyyətlərimi göstərə biləcəyimi düşünürəm"

"Zirə"nin yeni transferi Ayxan Hüseynov paytaxt təmsilçisində ən yaxşı keyfiyyətlərini nümayiş etdirə biləcəyini düşünür.

Futbolçu bunu "Report"a açıqlamasında bildirib.

O, paytaxt təmsilçisinə qoşulma qərarından bəhs edib:

"Zirə"dən gələn təklif gözlənilməz oldu. Danışıqlardan sonra mənə inandıqlarını, futbolçu kimi dəyər verdiklərini və komandada görmək istədiklərini anladım. Ən yaxşı keyfiyyətlərimi bu komandada nümayiş etdirə biləcəyimi düşünürəm. Bu səbəbdən "Zirə"nin təklifini qəbul etmək qərarına gəldim".

Qeyd edək ki, ötən mövsümü "Turan Tovuz"da keçirən A.Hüseynov "Zirə" ilə 2 illik müqavilə imzalayıb.