SOCAR Gürcüstanın 700-dən çox yaşayış məntəqəsini qazlaşdırıb

Azərbaycan Dövlət Neft Şirkətinin Gürcüstanda törəmə “SOCAR Georgia Gas” şirkəti hazırda 780 mindən çox abunəçiyə xidmət göstərir.

“Report”un yerli bürosu xəbər verir ki, bu barədə şirkətin direktoru Azər Məmmədov məlumat verib.

Onun sözlərinə görə, 2007-ci ildən etibarən şirkət Gürcüstanın 700-dən çox yaşayış məntəqəsini qazlaşdırıb və 11 min kilometr uzunluqda qaz kəməri inşa edib.

Qeyd edək ki, Gürcüstanın təbii qaz bazarına 2007-ci ildə daxil olan “SOCAR Georgia Gas” qazın çatdırılması və paylanılması, eyni zamanda istehlakçılar və tədarükçülərə çatdırılmasını təmin edir. Şirkətdə 2 mindən çox əməkdaş çalışır.