Ötən il Azərbaycan əmtəəlik qaz hasilatını 23 % artırıb

2021-ci il ərzində Azərbaycanda 34 milyon 580,7 min ton qaz kondensatı daxil olmaqla xam neft hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 34 milyon 512,8 min tonu əmtəəlik xam neftin payına düşüb.

Hesabat dövründə neft hasilatı daha əvvəlki 2020-ci ilin müvafiq dövründən 0,1 % (əmtəəlik neftin həcmləri ilə eyni qalıb) çox olub.

2021-ci ildə 43 milyard 863,5 milyon kubmetr təbii qaz hasil edilib. Bunun 32 milyard 573,8 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 18,1 %, əmtəəlik qaz hasilatı isə 23 % artıb.