Gürcüstan martda Azərbaycandan 10 min tona yaxın yanacaq alıb

Bu ilin mart ayında Gürcüstan Azərbaycandan 9,7 min ton yanacaq idxal edib.

“Report”un yerli bürosu xəbər verir ki, bu barədə Gürcüstanın Neft Məhsulları İdxalçıları Birliyinidən bildirilib.

Gürcüstanın yanacaq idxalının 11,5%-i Azərbaycanın payına düşüb.

Hesabat ayında Gürcüstan benzin və dizel yanacağını ən çox Rusiyadan (19 min ton) tədarük edib.

Ötən ay qonşu ölkə ümumilikdə 84,4 min ton benzin və dizel yanacağı alıb ki, bu da aylıq müqayisədə 0,9 min ton və yaxud 1,1% azdır.