Gürcüstanın Azərbaycandan qaz və neft idxalı artıb

Bu ilin I rübündə Gürcüstan Azərbaycandan 149,187.31 min ABŞ dolları dəyərində 758 061,5 kubmetr həcmində təbii qaz idxal edib.

“Report”un Gürcüstan bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, həcm illik müqayisədə 1,53 dəfə artıb.

Hesabat dövründə qonşu ölkə Azərbaycandan ümumi dəyəri 33,055.66 min ABŞ dolları olan 43 047,85 ton neft və neft yağları da tədarük edib ki, bu da ötən ilin eyni dövrünə nisbətdə 2,3 % çoxdur.