Bu il SOCAR-ın idarəsi qeyri-neft ixracından gəlirini 2,1 dəfə artırıb

Bu ilin yanvar-iyul ayları ərzində Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsi 337,6 milyon ABŞ dolları dəyərində qeyri-neft məhsul ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın avqust sayında bildirilir.

Bildirilir ki, bu, 2021-ci ilin yanvar-iyul aylarının göstəriciləri ilə müqayisədə 179,6 milyon ABŞ dolları və ya 2,14 dəfə çoxdur.

Bu ilin yanvar-iyul aylarında Azərbaycanın ümumi ixracı 22,6 milyard ABŞ dolları, qeyri-neft sektoru üzrə ixrac 1,7 milyard ABŞ dolları təşkil edib.