"Brent" neftin qiyməti dörd aylıq minimuma enib

Londonun ICE birjasında 2026-cı ilin avqust ayı üçün çatdırılma üçün "Brent" markalı xam neftin fyuçerslərinin qiyməti 27 fevraldan bəri ilk dəfə olaraq barel üçün 73 dollardan aşağı düşüb.

"Report" bu barədə birjanın ticarət məlumatlarına istinadən məlumat verir.

Bakı vaxtı ilə saat 5:01-ə olan məlumata görə, "Brent" neftin qiyməti 1,02 % azalaraq bir barel üçün 72,99 dollar təşkil edib.

Saat 5:21-də "Brent" neftin qiymətinin enmə tempi bir qədər sürətlənib və barel üçün 72,89 dollara çatıb ki, bu da 1,15 % azalma deməkdir.