Azərbaycan Rusiyaya neft koksunun ixracını 4 dəfə artırıb

Bu ilin yanvar-may aylarında Azərbaycan 8,62 milyon ABŞ dolları dəyərində 101 min 667 ton neft koksu ixrac edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrü ilə müqayisədə dəyər ifadəsində 78 %, kəmiyyət olaraq 19 % azdır.

Hesabat dövründə Azərbaycan Çinə 5,57 milyon ABŞ dolları dəyərində (bir il əvvəlki göstəricidən 88 % azdır) 67 min 810 ton (-36 %), Rusiyaya 1,7 milyon ABŞ dolları dəyərində (-12 %) 18 min 965 ton (+4 dəfə) və Misirə 1,34 milyon ABŞ dolları dəyərində 14 min 890 ton (bir il əvvəl tədarük olmayıb) məhsul satıb.

2023-cü ildə Azərbaycandan 4 ölkəyə ixrac edilmiş 232 min ton neft koksunun 77,2 %-i Çinin payına düşüb.