Qərb bölgəsində leysan yağış yağır, güclü ildırım çaxır

Qərb bölgəsinin dağ rayonlarına leysan xarakterli yağış yağır, yüksək ərazilərə ildırım düşüb.

"Report"un Qərb Mərkəzinin məlumatına görə, Daşkəsən və yaxın digər rayonlarda küləklə müşahidə olunan leysan yağış yağır.

Daşkəsən rayonunda çaxan güclü ildırımın bir neçə dəfə dağlıq ərazilərə düşdüyü müşahidə olunub. 

Bölgədə hava şəraitinin hərhansısa ciddi bir fəsad törədib törətmədiyi barədə isə hələ ki, məlumat yoxdur.

Hazırda yağıntılı hava şəraiti davam edir və dağlıq rayonlarda güclü ildırım çaxır.

Yaxıntılı hava şəraiti Gəncə şəhərində də müşahidə olunur.