Afaq Məsud Ukrayna qəzetinə müsahibə verib

Ukraynanın “Slovo prosviti” qəzeti Azərbaycanın Xalq yazıçısı Afaq Məsudla müsahibə dərc edib.

"Report" xəbər verir ki, müsahibədə söhbət ötən illər Ukrayna Yazıçılar Birliyinin təşəbbüsü və maddi dəstəyi ilə Ukrayna dilinə tərcümə edilərək Kiyevdə çap olunmuş “Azadlıq” romanından gedir.

“Xalq azad nəfəs almaq istəyirdi…” başlığı ilə dərc edilmiş müsahibə romanın yazıldığı tarixi mərhələ, həmin illər cərəyan edən ictimai-siyasi proseslər, xalq və insan azadlığı ilə bağlı sualları əhatə edir.

Baş redaktoru tanınmış şair, tərcüməçi Pavlo Movçanın olan qəzet Ukraynanın ən qədim və nüfuzlu mətbu orqanlarındandır.

Afaq Məsud Azərbaycan Dövlət Tərcümə Mərkəzinin rəhbəridir.