Gürcüstan azərbaycanlıları Azərbaycanda dini təhsil ala biləcək

“Gürcüstanın azərbaycanlı vətəndaşları Azərbaycanda dini təhsil ala biləcəklər”.

“Report”un yerli bürosu xəbər verir ki, bunu Azərbaycanın Diasporla İş üzrə Dövlət Komitəsinin sədri Fuad Muradov Gürcüstanın Saqareco rayonunda Azərbaycan icmasının nümayəndələri ilə görüşdə bildirib.

Onun sözlərinə görə, Azərbaycanda dini təhsil Gürcüstan azərbaycanlıları üçün ayrılması nəzərdə tutulan kvota çərçivəsində mümkün olacaq.

Dövlət Komitəsinin sədri deyib ki, Gürcüstanda qeyri-ənənəvi dinlər geniş yayılıb: “Gürcüstanın müsəlman din xadimləri Azərbaycanda təhsil alsalar, bu cür dini cərəyanların qarşısı alına bilər”.