Xersonda dron hücumu nəticəsində iki nəfər ölüb

Ukraynanın cənubunda yerləşən Xerson şəhərində dron hücumu nəticəsində iki nəfər həlak olub.

"Report" xəbər verir ki, bu barədə Xerson vilayəti hərbi administrasiyasının rəhbəri Aleksandr Prokudin məlumat verib.

Onun sözlərinə görə, Rusiya hərbçiləri Xersonun Korabel rayonunda iki kişiyə pilotsuz uçuş aparatı ilə hücum edib. Zərbə nəticəsində hər iki şəxs ölümlə nəticələnən xəsarətlər alıb.

Həlak olan şəxslərin kimliyi müəyyənləşdirilir.